Deskripsyon

« Organisation des Femmes Haïtiennes pour la Liberté (OFHL)/Haitian Women for Liberty » ap travay nan domèn dwa fanm/moun. Misyon l se ankouraje epi bay jarèt aplikasyon mezi pozitiv ak segzoespesifik yo sou tout plan pou rann yon reyalite kesyon dwa fanm, ekite, egalite fanm ak gason epi rekonesans lidèship fanm ; yon mannyè pou ede bati yon sosyete Ayisyèn pi jis.

Pwojè fòmasyon nan « ingénierie informatique » la

Se yon pwojè OFHL ap fè, pandan 8 mwa, an patenarya ak yon estrikti ki rele «Women Win » kote nou jwenn yon finansman nan kad fon « Free Stem » pou nou fòme 25 fi ak fanm nan metye nimerik yo -konsepsyon web, kodaj ak pwogramasyon. Benefisyè yo ap gen pou yo swiv tou kèk atelye fòmasyon sou « féminisme, genre », antreprenarya ak «marketing » nimerik epi n’ap akonpanye yo ak yon pwogram mentora nan lide pou yo ka lanse konpayi yo.

Kritè pou w genyen pouw aplike nan pwojè sa :

  • Fòk ou abite nan Petit-Goâve (vyalè) epi gen ant 16 ak 25 lane ; Fòk ou disponib pou fòmasyon an;
  • Fòk ou gen kèk konesans nan enfòmatik : bay prèv fòmasyon an oubyen pase yon tès enfòmatik.

Pou w aplike nan pwojè sila, wap pote dosye w nan lokal « Organisation Prix d’encouragement » (ORPRIE) ki nan menm espas ak bibliyotèk kominotè vyalè Willy Jean-François ki nan adrès 075, rue Albert Gibbs, Vialet, Petit-Goâve. Ou ka voye dosye w tou nan : [email protected]. Nan objè «email» la mete : « ingénierie informatique ». Tout dosye ki rive jwenn nou aprè dat 19 sektanm pa p konsidere.

Dokiman pou depoze yo :

  • Yon pyès idantite ki mansyone laj ou ak foto w ; Otorizasyon paran w: si w gen pi piti ke 18 lane;
  • Yon lèt motivasyon, an kreyòl ou fransè, anviwon 500 mo; Yon prèv fòmasyon nan enfòmatik.

Seleksyon

Touswit aprè dat limit la fin pase, n ap finalize tout dosye yo sou baz merit ak bezwen. N ap fè yon lis pou n pase interview nan dat 23 sektanm. N ap enfòme moun ki bon nan interview yo pou pi ta 27 sektanm. Non moun ki bon nan interview yo ap pibliye nan bilbliyotèk la, sou sit entènèt nou https://www.femmes-libres.org ak rezo sosyo nou.

Se sèlman moun ki seleksyone sou pwojè a n ap kontakte.

NB : Si w ta gen yon bagay ou pa konprann avan w aplike, ou ka kontakte nou nan :[email protected] ; 509 4152 35 83

                                                                                                                                           Guerdie Cloristin

Cheffe du projet

09/08/24